बाप मराठी कविता | Father Marathi Poem
जग दाखविणारा खांदा
सोबतीला आधाराचे बोट…
नेहमी हसरा चेहरा दाखवी
गिळून चुपचाप दुःखाचे घोट…
चालण्यासोबत भरारीला
मोकळे आभाळ दिमतीला…
अवचित तोल गेला जरी
मानावं सावरणाऱ्या हिंमतीला…
दिनरात भिंगरी पायाला
कष्टाने कधीच नाही थकत…
कितीही संकटे आली तरी
हा कणा कधीच नाही झुकत…
प्रेम व्यक्त करण्यासाठी
शब्द मनात गोठून राही…
पाणावणारे डोळेच मग
खरा भाव बोलून पाही…
जबाबदारी जगण्याचे अंग
प्रतिष्ठाही लागते पणाला…
कुटुंबाचा आधार बनता
स्वतःस विसरणं क्षणाक्षणाला…
कणाकणाचं हे झिजणं
मोजाया ना कोणते मोजमाप…
त्याची जागा ना घेई कोणी
एकच जगी या असतो बाप…
—पूनम ज्ञानेश्वर जगताप
©Poonam Jagtap
Great lyrics 👌
Happy Fathers Day
I just couldn’t depart your site prior to suggesting that I actually enjoyed the standard info an individual provide on your guests?
Is gonna be back often in order to check up on new posts
Way cool! Some extremely valid points! I appreciate you
penning this write-up and the rest of the website is also very good.